બિગ ,સ્ટાર્સ, બિગ ફિલ્મ્સ અને એન્ટરટેઇનમેન્ટનો તડકો

બિગ ,સ્ટાર્સ, બિગ ફિલ્મ્સ અને એન્ટરટેઇનમેન્ટનો તડકો

- in Filmy Feelings
72
0

– દિવ્યેશ વેકરીયા

ર018માં ગણતંત્ર અને સ્વાતંત્ર્ય દિવસ પર અક્કીએ, ઇદ પર સલમાન ખાને, દિવાળી પર આમિર ખાને અને ક્રિસમસ પર શાહરૂખ ખાને તેમની ફિલ્મો બુક કરાવી નાખી છે. ત્યારે આ વર્ષે બિગેસ્ટ એન્ટરટેઇનમેન્ટનો લ્હાવો દર્શકોને મળી રહેશે…

2017ના વર્ષમાં હિન્દી બોકસ ઓફિસનો આંકડો આંતરરાષ્ટ્રીય સ્તરે કુલ મળીને 4800 કરોડને આંબી ગયો પણ હિટ ફિલ્મોની સંખ્યામાં સતત ઘટાડો નોંધાયો છે. દંગલ, બાહુબલી-ર અને ટાઇગર ઝિંદા હૈ ફિલ્મોએ બોક્સઓફિસ પર ધનવર્ષા વરસાવી. તો બીજી તરફ તોતિંગ બજેટમાં બનેલી ફિલ્મોનો ધબડકો બોલી ગયો. ઠીક છે ગયું તે ગયું. ભૂતકાળ બદલી શકાતો નથી અને નિષ્ફળતાના પરિણામનો ડર રાખીએ તો ફિલ્મો જ બનવાનું બંધ થઇ જાય.
ર018ના વર્ષમાં બિગ બજેટ, એકસ્ટ્રા ઓર્ડિનરી અને સિમ્પલ બટ વન્ડરફૂલ ફિલ્મોની લાઇન લાગવાની છે. ફિલ્મના ટાઇટલ, કલાકારો અને સ્ટોરી જોઇને હટકે લાગતી ફિલ્મોનું પરિણામ તો જનતા જનાર્દન જ આપશે કે ફિલ્મ સારી છે કે ખરાબ. ર018નો ફર્સ્ટ ફ્રાઇડે નો રિલિઝિંગ સાથે પસાર થઇ ગયો અને સેક્ધડ ફ્રાઇડે વિક્રમ ભટ્ટની હોરર ફિલ્મ 19ર1 આવી. કેટરિના કૈફની હમશકલ તરીકે આવેલી ઝરીન ખાનનું નામ ગ્લેમર્સ કે સેક્સ બોમ્બ તરીકે અચૂક લેવાય છે. પણ અભિનેત્રી તરીકે તેની ગણના કરતાં હજી ઇન્ડસ્ટ્રી વિચારે છે. આખી ફિલ્મ ઝરીનના હોટ સીનમાં છે. ‘19ર1’ ફિલ્મ ભૂતોની વાર્તાઓ સાથે નાતો ધરાવનારા દર્શકોને ગમે તેવી છે, પરંતુ ડિફરન્ટ નથી. આ જ ફ્રાઇડે સુપર ફલોપ ફિલ્મોની હારમાળા ખડકી દેનાર સૈફઅલી ખાનની કલાકાંડી આવી હતી. સૈફની આ ફિલ્મ જોવા માટે દર્શકોએ જહેમત ન ઉઠાવી. સૈફ હીરો તરીકે ધડાધડ ફલોપ ફિલ્મો આપે છે. તો દિગ્દર્શક તરીકે અનુરાગ કશ્યપ ફલોપ ફિલ્મોની ડબલ હેટ્રિક મારી ચૂકયા છે. અનુરાગની મુક્કાબાઝ ફિલ્મ જોવા ગયા તેને પસંદ આવી પણ જોનારાની સંખ્યા બહુ ઓછી હતી.
હવે શરૂ થાય છે ભવિષ્યવાણી. એટલે કે આગામી ફિલ્મો કોની છે? કેવી હશે? અને કેટલો પ્રભાવ પાડી શકશે? 19 જાન્યુઆરીના શુક્રવારે કે કે મેનનની ‘વોડકા ડાયરીઝ’ આવશે. થ્રિલર ફિલ્મ છે પણ દર્શકો વોડકાનો ટેસ્ટ માણવા આવે તેવી શક્યતા નહિવત છે. યુનિયન લીડર, નિર્દોષ જેવી ફિલ્મો પણ છે પણ ચમત્કાર થાય તેવી શકયતા ઓછી છે.
રપ જાન્યુઆરીના શુક્રવારે બોકસઓફિસ પર બે મોટી ફિલ્મો ટકરાશે. વિવાદોમાં ફસાયેલી સંજય લીલા ભણસાલીની પદ્માવત અને અક્ષય કુમારની પેડમેન. આ બંને ફિલ્મો બોક્સઓફિસ પર જબરદસ્ત સ્ટાર્ટઅપ મેળવી લેશે. અલબત્ત, ર018માં સો કરોડ ક્લબનું ઓપનિંગ આ ફિલ્મોથી થાય તેવી પૂરી શક્યતા છે. પછી અનુષ્કા શર્માની ‘પરી’ ફિલ્મ 9 ફેબ્રુઆરીએ આવવાની છે. જેમાં અનુષ્કા લીડ રોલમાં છે અને તેના ખભા પર જ આખી ફિલ્મ છે. જો કે, આ ફિલ્મ હિટ થશે કે નહીં એ તો સબ્જેક્ટ ટુ ઓડિયન્સ છે. આ જ દિવસે મનોજ બાજપેયીની ‘ઐયરે’ આવવાની છે. આ ફિલ્મ સુપર્બ હોવાની ગેરંટી આપી શકાય . તેના દિગ્દર્શકનું નામ છે, નીરજ પાંડે. આ ફિલ્મથી બ્યુટિફૂલ રકુલ પ્રીત હિન્દી સિનેમામાં પાછી ફરી રહી છે.
દિગ્દર્શક સુધીર મિશ્રાની ‘દાસ દેવ’ 16 ફેબ્રુઆરીએ આવવાની છે. આ ફિલ્મનું નામ અનેક વખત બદલાયું છે તો અનેક વખત રીલિઝ ડેટ પણ બદલવામાં આવી છે. ફિલ્મ રજૂ થશે કે નહીં એ જ મોટો સવાલ છે. ર014માં મર્દાની બનીને ઓનસ્ક્રીન આવેલી રાની મુખરજી ચાર વર્ષ પછી હિચકી ફિલ્મ સાથે આવી રહી છે. ફિલ્મનો સબ્જેક્ટ સ્ટ્રોંગ છે. આ જ દિવસે જ્હોન અબ્રાહમની પરમાણુ ફિલ્મ આવવાની છે. સત્યઘટના આધારિત આ ફિલ્મ દર્શકોને પસંદ આવે તેવી હશે. દોસ્તાના પછી એકપણ ફિલ્મનું દિગ્દર્શન ન કરનારા તરુણ મનસુખાનીની એકશન કોમેડી ડ્રાઇવ ફિલ્મ આવવાની છે. જે આગામી ર માર્ચના રોજ આવવાની છે. જેમાં સુશાંત સિંહ અને હૉટમ હૉટ જેક્લિન ફર્નાન્ડિઝ છે. હેટ સ્ટોરીના નામે હિટ થયેલી આ સીરિઝનો ચોથો ભાગ પણ આવવાનો છે.
16 માર્ચના રોજ બિગેસ્ટ ફિલ્મ ઓફ ર018 આવવાની છે એ છે અજય દેવગનની ‘રૈડ’. જેમાં ઇલેના ડીક્રુઝ પણ છે અને આ ફિલ્મનું દિગ્દર્શન રાજકુમાર ગુપ્તાએ કર્યું છે. 30 માર્ચે ટાઇગર શ્રોફની બાગી-ર આવશે. તા.2 એપ્રિલે દેઓલ ત્રિપુટી એકસાથે ‘યમલા પગલા દીવાના ફીર સે’ ધમાલ મચાવવા આવશે. જો કે, ફિલ્મનો બીજો ભાગ ખાસ હિટ નહોતો રહ્યો એટલે આ વખતે મૂળ સ્ટોરી લાઇન બદલીને નવા કેરેક્ટર ઇન્ટ્રોડ્યૂસ કરવામાં આવશે.
ર7 એપ્રિલે ભારતીય સિનેમાની સૌથી મોટી બિગ બજેટ ફિલ્મ દિગ્દર્શક શંકરની ‘ર.0’ આવવાની છે. આ ફિલ્મમાં રજનીકાંત અને અક્ષય કુમાર છે. જે રોબો ફિલ્મની સિક્વલ છે. ઐશ્ર્વર્યાની જગ્યાએ હૉટી એમી જેક્સનને સ્થાન આપવામાં આવ્યું છે. તો વળી ર.0ની સામે કંગના રનૌતની ‘મનિકર્ણિકા’ આવશે. દક્ષિણ દિગ્દર્શક ક્રિસની આ ફિલ્મ મહારાણી લક્ષ્મીબાઇ પર આધારિત છે. ઐતિહાસિક ફિલ્મ દર્શકોને પસંદ પડી રહી છે અને તેમાંય સત્યઘટના દર્શકોને વધુ મજા કરાવશે.
ઇદ એટલે 1પ જૂનના રોજ સલમાન ખાનની રેસ-3 આવવાની છે. અબ્બાસ-મસ્તાનની સુપરહિટ સીરિઝ રેસમાંથી સૈફને અલવિદા કહીને સલ્લુની એન્ટ્રી કરાવવામાં આવી છે. બોબી દેઓલને પણ આ ફિલ્મમાં ચમકાવવામાં આવશે. તો હૉટી ગર્લ જેક્લિનને ફરીથી આ ફિલ્મમાં કામ મળ્યું છે અને સેક્ધડ હૉટી તરીકે પૂજા હેગડે છે. રેસ-3ની સામે ઐશ્ર્વર્યા રાય બચ્ચનની ફેની ખાન આવવાની છે. એશ ફરીથી આ ફિલ્મ સાથે કમબેક કરી રહી છે. આ ફિલ્મ બેલ્જિયમ ફિલ્મ એવરીબડીસ ફેમસની રિમેક હોવાનું માનવામાં આવે છે. ર9 જૂને રાજકુમાર હિરાણીની ‘સંજુ’ આવવાની છે. સંજય દત્તના જીવન-કવનને મઠારતી આ ફિલ્મમાં સંજુનો રોલ રણબીર કપૂર કરી રહ્યો છે. પરેશ રાવલ સુનીલ દત્તના રોલમાં તો મનીષા કોઇરાલા નરગીસના રોલમાં જોવા મળશે. જ્યારે માન્યતા દત્તના રોલમાં દિયા મિર્ઝા છે. 10 ઓગસ્ટે બાહુબલી ફેમ પ્રભાસની ‘શાહો’ આવવાની છે. તો 1પ ઓગસ્ટના રોજ અક્કીની ‘ગોલ્ડ’ આવવાની છે. સપ્ટેમ્બર મહિનામાં એક જ ફિલ્મ ફાઇનલ થઇ છે. વરુણ ધવન અને અનુષ્કા શર્માની ‘સુઇ ધાગા – મેડ ઈન ઇન્ડિયા’, ઓક્ટોબરમાં સન્ની દેઓલ ફરીથી કેમેરા પાછળ એટલે કે દિગ્દર્શકની ભૂમિકામાં આવશે. સન્નીનો પુત્ર કરણ દેઓલ ‘પલ-પલ દિલ કે પાસ’ ફિલ્મમાં લીડ રોલ કરી રહ્યો છે.
બિગેસ્ટ ફેસ્ટિવલ ઓફ ઇન્ડિયા એટલે દિવાળી ધમાકા. આ દિવાળી પર બોક્સઓફિસ રૂલર એન્ડ ઓડિયન્સ ઓલટાઇમ ફેવરિટ આમિર ખાનની પધરામણી થવાની છે. ઠગ્સ ઓફ હિન્દોસ્તાન 7 નવેમ્બરે રજૂ થવાની છે. આ ફિલ્મમાં ફર્સ્ટ ટાઇમ આમિર ખાન અને અમિતાભ બચ્ચન સાથે કામ કરી રહ્યા છે. જો કે, કેટરિના કૈફનો હૉટ તડકો પણ આ ફિલ્મમાં જોવા મળશે. 7 ડિસેમ્બરે ટોટલ ધમાલ ફિલ્મ આવવાની છે. સંજય દત્તની જગ્યાએ અજય દેવગનની એન્ટ્રી થઇ છે. અનિલ કપૂર અને માધુરી દીક્ષિત પણ જોવા મળશે. બાકી રિતેશ દેશમુખ, અર્શદ વારસી, જાવેદ જાફરી અને આશિષ ચૌધરી જૈસે થે વૈસે જ છે.
ક્રિસમસ વીકમાં એક નહીં પણ ત્રણ-ત્રણ મોટી ફિલ્મો ટકરાવાની છે. શાહરૂખ ખાનની ઝીરો ફિલ્મ આવશે. જેમાં તેની સાથે કેટરિના કૈફ અને અનુષ્કા શર્મા છે. જે 21 ડિસેમ્બરે રજૂ થવાની છે. આ જ દિવસે સુશાંતસિંહ રાજપૂતની ‘કેદારનાથ’ આવવાની છે. તો ર8 ડિસેમ્બરે રણવીર સિંહની ‘સિમ્બા’ આવવાની છે. ફિલ્મનું દિગ્દર્શન રોહિત શેટ્ટી કરે છે અને નિર્માતા કરણ જોહર છે.
ર018માં આમિર ખાન, અમિતાભ બચ્ચન, શાહરૂખ ખાન, સલમાન ખાન, અક્ષયકુમાર, અજય દેવગન, રણવીરસિંહ, વરુણ ધવન સહિતના બિગ સ્ટાર્સ બિગ સ્ક્રીન પર આવશે તો સિલ્વર સ્ક્રીનનું ગ્લેમર વધારવા ઐશ્ર્વર્યા રાય બચ્ચન, માધુરી દીક્ષિત, કેટરિના કૈફ, દીપિકા પાદુકોણે, અનુષ્કા શર્મા, રાની મુખર્જી અને આલિયા ભટ્ટ સહિતની હૉટી ધમાલ મચાવશે.

Facebook Comments

Leave a Reply

Your email address will not be published. Required fields are marked *

You may also like

સિકંદરાબાદ ખાતે ખુશનુમા વાતાવરણમાં યોજાયું ગુજરાતી સાહિત્ય પરિષદનું 49મું અધિવેશન

સિકંદરાબાદ ખાતે ખુશનુમા વાતાવરણમાં યોજાયું ગુજરાતી સાહિત્ય પરિષદનું