લગ્નસંબંધમાં વિશ્ર્વાસ, સમજદારી સાથે જરૂરી છે લાગણીઓનું સંતુલન

લગ્નસંબંધમાં વિશ્ર્વાસ, સમજદારી સાથે જરૂરી છે લાગણીઓનું સંતુલન

- in Samvedna
66
0

પારૂલ સોલંકી

સૌરાષ્ટ્રના એક શહેરની મધ્યમાં આવેલ એક સુંદર રેસ્ટોરાંમાં શિયાળાની એક સાંજે યામિની, રિયા, આરોહી, સપના અને શ્રેયા આ પાંચેય સખીઓ રાબેતા મુજબ મળી. ર6થી ર7ની વય ધરાવતી આ પાંચેય પરિણીત યુવતીઓનું ફ્રેન્ડશિપ બોન્ડિંગ બહુ મસ્ત હતું. કેમ કે, તેઓના ફેમિલી અને પતિ તરફથી પણ આ બાબતે છૂટ આપેલ હતી, તેથી કોઇ બંધન નહોતું. જેથી દર મહિને આવી રીતે નિરાંતે મળે, વાતો કરે, મસ્તી-મજાક થાય અને ડીનર થાય. હજુ તો તેઓએ સૂપ ઓર્ડર કર્યો ત્યાં તો આરોહી બોલી પડી, ‘હાઇ ફ્રેન્ડ… હું તમને મારા વિશે એક સરપ્રાઇઝિંગ ન્યૂઝ આપું! મેં બેલી બટન પિયર્સિંગ કરાવ્યું.’ આ સાંભળતાં જ એની બધી ફ્રેન્ડને આશ્ર્ચર્ય તો થયું જ. તેમ છતાં દરેકે પોતાના અલગ-અલગ અભિપ્રાય આપ્યા. રિયા કહે, ‘વાહ! આરોહી, સારો શોખ કહેવાય! પણ તારું આ પિયર્સિંગ મારા મગજમાં બેસતું નથી.’ એના જવાબમાં તો આરોહીએ એક ચોંકી જવાય એવી વાત કરી, ‘માય ડીયર ફ્રેન્ડ, મેં આ પિયર્સિંગ મારા શોખ ખાતર નથી કરાવ્યું, પરંતુ મારા હબીને હું મોસ્ટ એટરેક્ટિવ અને બ્યૂટીફૂલ ગર્લ લાગું એ માટે કરાવ્યું છે. ચોંકી ગયા ને?’ આરોહીએ સ્મિત આપતાં પોતાની વાત આગળ વધારતાં કહ્યું, ‘છેલ્લાં થોડાં મહિનાઓથી મને અમુક વિચાર સતત ડરાવે છે. ક્યાંક મારો હબી કોઇ યુવતીના પ્રેમમાં પડી જશે અને મારું લગ્નજીવન ખતરામાં આવી જશે તો? કેમ કે, આજકાલ તો સોશિયલ સાઇટ પર કંઇ પણ બની શકે. ઉપરાંત વર્કિંગ પ્લેસ પર પણ ફિમેલ તો સાથે હોવાની. મને થયું કે હું અત્યારની મોડર્ન યુવતીઓની જેમ અપટુડેટ અને આકર્ષક રહેવાનો પ્રયત્ન કરીશ. ઇવન, મેં મારા બેક શોલ્ડર અને પગ પર ટેટૂ બી કરાવ્યા. બસ, મારો હબી કોઇ યુવતીના લવ-અફેરમાં ના પડવો જોઇએ.’ મિત્રો, આરોહીના મનમાં પતિ પ્રત્યે સતત શંકા ઘેરાતી રહે છે કે એનો પતિ એને દગો દેશે તો. અને એ કારણે એ પોતાના લગ્નજીવન માટે સતત અસલામતી અનુભવે છે.

સુચેતાની વાત કરીએ તો એ પણ પોતાના પતિ બાબતે આરોહી જેવું જ શંકાશીલ મનોવલણ ધરાવે છે. ર8 વર્ષીય સુચેતા પ્રોફેશનલી એક્ટિવ છે. તેનું કહેવું છે કે હું મારા હબી પર પૂરો જાપ્તો રાખું છું. ઇવન, એને જોબ પરથી ઘરે આવવામાં નિયત સમય કરતાં મોડું થાય તો હું તરત જ એને કોલ કરું છું અને પૂછું છું કે એ અત્યારે ક્યાં છે અને જો નિયત સમયે ઘરે નહિ આવે તો હું તે જ્યાં હશે ત્યાં પહોંચીશ. હા, હું એવું પણ કરું છું સીધી ત્યાં પહોંચી જાઉં છું. એટલું જ નહિ, પરંતુ સુચેતા તો એમ પણ કહે છે કે જે કંપનીમાં એમ્પ્લોઇને વિદેશ ટૂર પર મોકલતાં હોય તેવી કંપનીમાં પણ હું મારા હબીને જોબ નથી કરવા દેતી. ભલે ત્યાં વધુ સેલેરી પેકેજ મળતું હોય! આ વિશે કારણ આપતાં સુચેતા કહે છે કે, જો હસબન્ડ કંપની તરફથી ગોઠવાયેલ ફોરેન ટ્રીપમાં જાય તો ત્યાં પણ કોઇ યુવતી સાથે સંબંધમાં જોડાવવાના પૂરા ચાન્સ રહેલા છે. સુચેતાની માન્યતા એવી છે કે, 30ની આસપાસના પુરુષોના ગ્રૂપમાં કોલેજિયન યુવતીઓને ગર્લફ્રેન્ડ બનાવવાની એક હોડ લાગી હોય છે. મિત્રો, સૂચેતા પણ આરોહીની જેમ પોતાના મનમાં પતિ પ્રત્યે સતત વહેમ અને ધારણાઓ પાળીને જીવે છે.

સામાન્ય રીતે દરેક માનવી પોતે જેને પ્રેમ કરે તેના માટે થોડા માલિકી ભાવ સાથે શંકા અને સંબંધમાં અસલામતી અનુભવે એ સહજ છે. પરંતુ જ્યારે આ શંકા અને અસલામતીનો ડર અતિશય વધી જાય ત્યારે માનવી માનસિક અશાંતિ અનુભવે છે અને એની સીધી અસર એના લગ્નજીવન પર પડવાની પૂરી સંભાવના રહે છે. જેથી લગ્નસંબંધમાં વિશ્ર્વાસ અને સમજદારી સાથે લાગણીઓનું સંતુલન જાળવવું એ અગત્યની બાબત છે. લગ્નજીવનને અફેર ફ્રી, સ્ટેડી અને રોકિંગ રાખવા માટે તેઓ શું કરે છે એ અંગે રેણુ, સૂચિ અને પૌલોમી સરસ વાત કરે છે.

3પ વર્ષીય રેણુ એક મલ્ટિનેશનલ કંપનીમાં સારા હોદ્દાની જોબ કરે છે. સ્માર્ટ રેણુ કહે છે, ‘પતિ-પત્ની વચ્ચેનું અન્ડરસ્ટેન્ડિંગ લગ્નજીવનને મદદરૂપ બને છે. જ્યારે મારા હસબન્ડ ઘરે હોય તો હું શક્ય તેટલો સમય તેની સાથે ગાળવાની કોશિશ કરું છું. દરેકે પોતાના લગ્નજીવનને બને તેટલું સ્ટ્રોંગ બોન્ડિંગ બનાવવા શક્ય પ્રયાસ કરવા જ જોઇએ.’ પ્રોફેશનલી બેન્કર એવી 4પ વર્ષીય સૂચિ પણ લગ્નજીવનને સ્ટ્રેસ ફ્રી રાખવા પોતાના સુંદર વિચારો શેર કરે છે. ‘દરેકનું ફોક્સ પોતાના જીવનસાથીને પ્રેમ, લાગણી અને એક સ્પેસ આપવા તરફ હોવું જોઇએ. પરંતુ બે પરિણીતોના સંબંધમાં જ્યારે અવિશ્ર્વાસ સ્થાન લે છે ત્યારે જ પ્રોબ્લેમ શરૂ થાય છે. એકબીજાના કાર્યમાં રસ લો, તમારો પાર્ટનર તમારા માટે કંઇ કરે તો વખાણ કરો અને હા, પર્સનલી હું એવું અનુભવું છું કે લગ્નજીવન એ એક સતત ઇન્વેસ્ટમેન્ટ જેવું છે. તમે એને ટેકન ફોર ગ્રાન્ટેડ ના લઇ શકો, સ્નેહ, વિશ્ર્વાસ અને કેરિંગ નેચર દ્વારા તેને મેઇન્ટેન કરવાનું હોય છે.’ 50 વર્ષના પૌલોમી ફેશન ડિઝાઇનર છે અને પોતાનું બુટિક ધરાવે છે. લગ્નજીવનને રોકિંગ રાખવા માટે એ કહે છે, ‘અમે બેઉ એકબીજાને ખૂબ સ્પેસ આપીએ છીએ. છતાં એકબીજા પર શંકા નથી કરતાં. એ જ અમારી મેરેજ લાઇફને સ્ટ્રોંગ બનાવે છે. એકબીજા સાથે ક્વોલિટી ટાઇમ માણીએ છીએ.’ તેમના મતે લગ્નજીવનમાં સ્પેસ અને પરસ્પરનું કોમ્યુનિકેશન લગ્નજીવનને સ્ટ્રોંગ બનાવે છે.

Facebook Comments

Leave a Reply

Your email address will not be published. Required fields are marked *

You may also like

સિકંદરાબાદ ખાતે ખુશનુમા વાતાવરણમાં યોજાયું ગુજરાતી સાહિત્ય પરિષદનું 49મું અધિવેશન

સિકંદરાબાદ ખાતે ખુશનુમા વાતાવરણમાં યોજાયું ગુજરાતી સાહિત્ય પરિષદનું